您现在的位置是:主页 > 申博社会 >听日,我会投白票。

听日,我会投白票。

2019-09-27933观看

听日,我会投白票。

一个合格的特首,应该是支持民主理念, 同时深得民望,但直到今日, 我未见到一个合格的特首。
听日,我会投白票。

白票永远係我最厌恶却又永远存在既选项。

由始至终,我都唔希望我最后係投白票。如果当初我已经有打算投白票,我係唔会特登去走入小圈子咁无谓,係IT界小圈子选民手上集得手上呢一票。

寸土必争心情有之,但一路睇住局势发展同社会大众舆论变化,到今日有部份选委因为坚持原则选择投白票被部份市民群起攻之,和声连连。

奇怪嘅係,唔通会有市民或者选民,期待呢批选委会投票支持一个「83123」的候选人?

又,香港人会逼选委去投你地想嘅一票,正正係因为呢个令你地无票嘅制度,而非未能依你意思而行嘅有票选委。

ITVision最初已经表明唔会有30人綑绑提名或30人綑绑投票的情况出现。

今日已经决定投曾俊华既28人係自由意志,每人都有自己理由去决定投票予曾俊华。

ITVision政治光谱阔,我地会走得埋,係因为有共识互相尊重各人意志同政治立场,唔係一言堂。光谱阔,本身亦意味着各人各派有唔同思考,最后可以唔同选择。

有人话要小圈子既选委「要尊重民意去投票,因为你地係非建制既民主派选委」云云。

民意同民主根本係个不同性质嘅概念。民意本是一个随时浮动的数据,易受其他媒体影响,而且并非单一。同样係民意,今天却有薯粉以支持曾俊华作为民意之,难道各大学学生会反对支持曾俊华嘅意见就唔係民意?

好多人将民主解作「以民为主」,「民主理念必定是以民意为依归」,断定支持民主的人必定是以民意作準,断定跟随民意的人才是民主支持者。大概是过去三十年一直有自翎为民主支持者一党一直以会跟随民意作招徕已沦为政客,令社会误以为「民主即民意」,至今天沦为被操纵的民意下反噬的对象,却令更多市民误以为民意能压过「民主」。

另一方面,曾俊华从来唔係我会支持既对象,从来,唔係。

部份政纲可能好吸引你,佢嘅言论可能好中你,佢串林郑嘅金句可能係好精彩,可能佢呢一个几月既表现令你觉得佢係香港救星,可以修补乜乜乜,但剥去公关手段说话技巧等包装,我睇到剩下嘅係「83123」。

三个都话立23条,好多人就开始话分别就只在「边个好d唔会係完全嘅西环傀儡」,呢一点好快创造出「Less evil」。

「Less evil」呢个讲法我谂唔止我觉得呕心。立23条本身已经将香港人嘅自由同政治送上绝路。以「Less evil」之名行「温水煮蛙」之实。

曾俊华上位比林郑「Less evil」,可以左中右逢源修补撕裂?

我屌!

有「83123」,就无可能修补撕裂。今日嘅撕裂,寻根究底,就係2014年831框架干预香港普选政改才会引发持续至今嘅抗争同对立,公正公义法治被政府玩弄至蕩然无存,结果最初愿意走出来嘅年青人被社会大众背弃,受伤失望痛哭。

曾俊华曾经讲过「若一个候选人只得某部分政治光谱支持,社会撕裂机会肯定大为提高」,作为属本土派既IT选委,甚至係1200人选委中屈指可数嘅本土派,今日所见嘅,係曾俊华只得到泛民建制的支持,本土派及雨伞后的声音呢?

下一个撕裂香港既,难道不会是曾俊华?梁振英年代,香港人在建制派甩辘下,才成功拉到831的政改方案,难道喺未来五年,香港人又要再重蹈覆辙?同样是「83123」,对参加雨伞革命的人,来说林郑和曾俊华有分别吗?

雨伞革命,龙和道以来的两年,一直坚持嘅初衷,并唔係希望选出一个「83123」曾俊华。

听日,我会投白票。

上一篇: 下一篇:

最新文章

热门文章